¯`♥ صور من مطبخي ♥´¯

الموضوع في 'أرشيف المنتدى' بواسطة براءة فلسطين, بتاريخ ‏22/3/13.

  1. براءة فلسطين

    براءة فلسطين || رحماك ربي || فريق دروب الخير

    إنضم إلينا في:
    ‏26/8/12
    المشاركات:
    2,040
    الإعجابات المتلقاة:
    3,625
    نقاط الجوائز:
    207
    الجنس:
    أنثى
    الوظيفة:
    واعظة ..
    مكان الإقامة:
    نحو الجنة
    [​IMG]

    صباح || مساء الخيرات
    جئت اليكم بمأكولات من مطبخ بيتنا المتواضع :)
    يعني اشياء خفيفة و ظريفة ^_^
    تعلمت من امي ربي يحفظها و يديمها ..
    هادا الموضوع رح ضيف عليه كل فترة يعني
    بعمل تعديل المشاركة وبضيف الصور الجديدة
    بمعنى (خليكم متابعين :) ) ..

    يلا نبدأ بالأكلات المالحة ::

    [​IMG]

    [​IMG]

    مقادير كل أكلة ::

    1- شاورما الخضار ::

    المقادير ::
    صدور حبش أو دجاج ..
    بهار شوي + فلفل أسمر ..
    خلطة الخضار مكونة من ::
    • جزر
    • فليفلة
    • بطاطا
    • ذرة
    • بازيلاء
    • البصل

    الطريقة ::
    منقطع صدور الدجاج أو الحبش و منبهرهم و منحط
    شوي زيت في القلاية
    على النار ولوقت ما يحمى الزيت منحط الدجاج ومنصير
    نقلب فيه لحتى ما يستوي..
    الخضار طريقته سهلة منحمر البصل و منحط الخضار فوقه
    ومنحركهم ومنوطي النار عليهم
    لوقت ما يستو ..

    2- السمبوسة ::

    السمبوسة ::

    طبعا أغلبنا منشتري عجينة السمبوسة جاهزة
    بس الاختلاف في الحشوة
    في البعض بحشوها لحمة مفرومة و البعض بحشوها خلطة خضار
    و البعض جبنة و في بخلطوا اللحمة و الخضار ..
    ما أعتقد في حدا ما بعرف
    يعمل السمبوسة..

    3- الدجاج بالكريمة المالحة

    أول شي تقطيع الدجاج و منقطع الكبدة و القوانص .. منحط البهارات
    ( فلفل أسمر + بهارات لحمة + ملح (منحط البصل على النار
    منقطع الجزر والفليفلة لما يتحمر البصل منحط الدجاج
    عليه مع الجزر و الفليفلة
    منجهز الكريمة المالحة مكونة من
    ( معلقتين كبيرة حليب +معلقتين كبيرة نشا +كأسين ماء+
    بهارات + ملح ) منحط الكريمة على النار ووقت
    تتسبك منحطها فوق الدجاج..

    4- الفطائر ::

    4 كوب طحين (كبير )
    كوب صغير حليب ناشف
    كاسة الا ربع زيت
    3ملاعق كبيرة سكر
    3ملاعق صغيرة خميرة
    قليل من الملح

    5- البيتزا ::
    نفس عجينة الفطائر ..

    6- سلطة الباشامل

    مكونات السلطة نفسها ومنجهز كريمة الباشامل

    كريمة الباشامل مكونة من
    (معلقة حليب + معلقة طحين + ملح + كأس ماء )

    منحط الكريمة فوق السلطة ..




    ورح اترك مجال للأكلات القادمة ان شاءالله .. رح ننتقل في الصفحة التالية
    الى الأكلات الحلوة :) تابعوا ..


    (( تم اضافة مقادير و طريقة كل أكلة )) ^_^

  2. براءة فلسطين

    براءة فلسطين || رحماك ربي || فريق دروب الخير

    إنضم إلينا في:
    ‏26/8/12
    المشاركات:
    2,040
    الإعجابات المتلقاة:
    3,625
    نقاط الجوائز:
    207
    الجنس:
    أنثى
    الوظيفة:
    واعظة ..
    مكان الإقامة:
    نحو الجنة
    الأكلات الحلوة .. تتحلى كل ايامكم يارب :)

    [​IMG]

    [​IMG]

    [​IMG]

    [​IMG]

    [​IMG]


    مقادير كل أكلة ::


    1- كيكة التوفي :


    المقادير:
    بكيت بسكوت شاي .



    كأس سكر مطحون .
    كأس جوز هند.
    5بيضات.
    5كيس فانيلا ( ما يعادل 5ملاعق كبيرة )
    كيس باكنج باودر. ( ما يعادل ملعقة كبيرة ) .
    كأس حليب محمص.
    كأس ماء


    طريقة العمل:

    يطحن البسكوت و السكر و الجوز هند ويحمص
    الحليب حتى يصبح لونه بني فاتح
    توضع المقادير في وعاء مع إضافة كأس الماء
    وخفق البيض مع الفانيلا
    وإضافتهما إلى الخليط وخلط الخليط معا
    حتى يصبح متماسكاً
    وبعدها نضعه في الفرن وبعد خروجهامن
    الفرن نقطعهامربعات
    و نخرمها بالشوكة حتى يتخلل التوفي في الكيكة.
    عند وضع التوفي فوق الكيكة


    مقاديرطبقة التوفي:

    كاسة ونصف سكر.
    ربع كأس ماء.
    علبة قشطة.
    معلقة صغيرة زبدة.

    .
    طريقة عمل التوفي:
    يسخن السكر و يحرك حتى يصبح لونه بني
    يضاف عليه ربع كأس الماء وعلبة القشطة
    ومعلقة صغيرة زبدة مع التحريك حتى تختلط المقادير
    فيصبح الخليط لونه بني و نضعه على الكيك

    2-
    بسكويت بالحليب و الكراميل::


    بكيتين بسكوت شاي ..
    ربع قالب زبدة ..
    3علب لبن زبادي (حامض) ..
    أو حسب حجم علبة اللبن لأنو اللبن
    بتختلف من بلد لأخر ..
    يعني لو كان بحجم يلي بالصورة فبإمكانكم
    تستكفوا بتلات علب فقط ..
    12 ملاعق كبير سكر ..
    12 ملاعق كبيرة حليب ..
    معلقتان صغيرتان نسكافيه أو كاكاو ..
    بكيتين كرامل ( البودرة ) ..
    بيالتين و نصف ماء
    (البيالة يعني كاسة شاي) ..

    طريقة العمل ||
    الحلا هاد مكون من 3 طبقات ..
    الطبقة الأولى شرحها كالتالي ::
    منطحن البسكوت مع ربع قالب الزبدة بمكينة
    الطحن ووقت يصيروا
    مخلوطين مع بعض ومنفردهم بالصينية بعد
    ما ندهن الصينية بشوية زيت
    مشان البسكوت ما يلزق .. بعد ما نحط
    البسكوت منروح نحط الصينية
    بالفرن أكمن دقيقة مش كتير بس مشان
    البسكوت يتماسك .. ومنطلع الصينية من الفرن ..
    هادي الطبقة الأولى ..

    أما الطبقة التانية ::
    منجيب وعاء منخلط فيه علبتين اللبن مع 6ملاعق الحليب
    و السكر منخلطهم
    بالخلاط لوقت يصير الخليط ناعم والمكونات مختلطة مع بعضها ..
    منحط هادا الخليط فوق البسكوت و منحط الصينية
    بالفرن كمان أكمن مدقيقة
    مشان مية اللبن تنشف ووقت ما نشوف انو اللبن
    صار جاف منطلع الصينية من الفرن..
    ( إذا ما كان اللبن جاف ممكن يتجفف بوضعه في الفريزر )
    هادي الطبقة التالته

    أما الطبقة الأخيرة ::
    منحط بكيت كراميل البودرة مع معلقة الكاكاو أو
    النسكافيه و بيالة و نصف ماء على النار..
    ووقت يختلطوا منحطهم فوق الطبقة التانية
    ومنحط الصينية بالتلاجة

    3-
    كراميل بالبسكويت ::

    المكونات ( بكيت كرامل + بكيت بسكوت + 3 أكياس سكر
    جاهز يلي بكون في علبة الكراميل)

    منحط السكر في قاع الوعاء منسفط البسكويت
    فوقه منسكب الكراميل فوق البسكويت
    وفي بعض من الناس بحبه يعملو طبقتين من البسكويت

    يعني حسب الرغبة لكن يلي عملته هي طبقة واحدة ..

    منحط الوعاء بالتلاجة لوقت ما يجمد منقلبه في وعاء آخر

    وهي الشكل النهائي لقطعة الكراميل بالبسكويت


    4-
    الكعك و المعمول ::

    6 كاسات دقيق
    2كأس سمنة
    نصف كأس زيت
    كأس حليب
    كأس سكر
    3بيضة 4 معالق كبيرة فانيلا
    معلقتان كبيرتان حوائج الكعك ..
    معلقة كبيرة باكنج باودر ..

    5-
    تمر بالبسكويت ::

    بنعجن العجوة بالقرفة ومنحشيها بالبسكويت
    ومنكون حاطين البسكويت بالنسكافيه مشان مايكون ناشف
    ومنكور العجوة مشان نسكر على الحشوة .. منرش جوز هند
    أو زينة الكيك .. فقط للزينة


    6- بسكويت بالشوكلتس::

    المكونات::

    بسكويت شاي..
    شوكلاته..
    نسكافيه سائل ..
    كريما..
    فانيلا ..

    الطريقة ::

    يُهرس البسكويت بشكل ناعم أو وسط ويوضع عليه
    القليل من النسكافيه السائل .. طبعاً النسكافيه
    طريقة عمله طبعاً سهلة بس لازم الفانيلا تنضاف معاه
    بيطلع طيب أكتر..
    و إضافة الشوكلاته .. بتنخلط المكونات مع بعض بحيث
    تصير متماسكة و بعدها بنعمل الأشكال يلي حابينها
    والكريما بتنحط فوق الشكل وبيتزين حسب الرغبة ..
    وبعد هيك منحط البسكوت بالتلاجة مشان الكريما ما تسيح..
    و صحة وعافية على قلوبكم ..

    في نفس الطريقة بس منحط مع المكونات جوز هند بتصير
    الخلطة متماسكة أكتر ومنقدر نفردها و نقطعها و نعمل أشكال فيها

    6-
    الكراميل ::
    منحط البودرة يلي في باكيت الكراميل مع
    كأس ماء و معلقتين كبار حليب
    منسخنهم على النار 3 دقائق و منكون حاطين
    السكر في قاع الصحون
    وبعدها مندير الكراميل في الصحون ومنحطها بالتلاجة لوقت ما يجمد

    7-
    أصابع زينب::
    المقادير ::

    2كأس دقيق..
    1كأس سميد..
    نصف كأس زيت ..
    معلقة صغيرة خميرة..
    كيس فانيلا و كيس باكنج باودر..
    (طبعاً الكيس يعني مايقارب معلقة كبيرة )


    ||
    الطريقة ::

    في البداية بنخلط كل المقادير مع بعض وبنعجن العجينة
    طبعاً بنحط مع العجينة شوي ماء يعني تقريباً
    كاسة الاربع يعني بنحط و بنعجن لحتى مانلاقي العجينة تماسكت..
    بعد هيك بنفردها .
    بعد هيك بنقلي و بنحط يلي بنقليه في القطر
    و لما نشيله من القطر بنرش عليه شوي جوز هند للزينة

    8-
    البسبوسة ::
    المقادير :

    كوب ونصف سميد
    نصف كوب سكر
    1 كوب لبن
    نصف كوب زيت نباتي
    3 ملعقة كبيرة جوز الهند، مبشور ومجفف
    1 ملعقة كبيرة بايكنغ باودر
    1 1/2 كوب ماء
    2 ملعقة كبيرة ماء الزهر
    لوز، مقطع إلى نصفين
    1 1/3 كوب سكر

    طريقة التحضير :
    لتحضير القطر: في قدر صغير على نار متوسطة
    يوضع الماء، 1 و ثلاث أرباع كوب سكر وماء الزهر.
    يحرك حتى يبدأ بالغليان لثلاث دقائق ثم يرفع عن
    النار ويوضع جانبًا حتى يبرد.

    لتحضير البسبوسة:
    يخلط في وعاء السميد، اللبن، نصف كوب من
    سكر، الزيت، جوز الهند والبايكنغ باودر.
    يوضع الخليط جانبًا لمدة نصف ساعة.
    يحمى الفرن على حرارة 180 درجة مئوية.
    يمد خليط السميد في صينية مدهونة بزبدة.
    يقطع الخليط على شكل مربعات ويوضع اللوز
    فوق كل قطعة.
    تخبز الصينية لعشرين دقيقة ثم يحمّص الوجه
    ليصبح ذهبيًا لدقيقتين أو ثلاث.
    تخرج الصينية من الفرن ويضاف إليها القطر بحسب الرغبة.

    9-
    خلية النحل ::
    كأس طحين
    كأس صغير زيت
    كأس صغير سكر
    معلقة صغيرة خميرة
    معلقة كبيرة حليب ناشف

    10 _
    الكيكة ::
    كأس طحين
    كأس زيت
    كأس سكر
    بيضات
    معالق كبيرة فانيلا
    معالق كبيرة باكنج باودر
    كأس حليب سائل

    • كيكة الفراولة نفس مقادير الكيكة العادية لكن
    لما نسكب المقدار في الصنية
    لازم نسكب نصفها ومنحط قطع الفراولة و بعدها
    منسكب باقي المقادير ومنحطها بالفرن
    • كيكة الكاكاو نفس مقادير الكيكة العادية
    لكن منحط معلقتين كبار كاكاو ..

    (( تم اضافة مقادير و طريقة كل أكلة )) ^_^
  3. طوق الياسمين

    طوق الياسمين درب جديد

    إنضم إلينا في:
    ‏10/3/13
    المشاركات:
    27
    الإعجابات المتلقاة:
    31
    نقاط الجوائز:
    13
    وعليكم السلام
    شو هاااااد يا بروءة
    ماشاء الله حاجات بتجننن
    وشكلهم بيشهوووو mus-83

    ممكن تعطينا طرق كم أكلة منهم ^ ^

    ’’

  4. جُـوري

    جُـوري أُحـِــبُكَ رَبِّيْ..~

    إنضم إلينا في:
    ‏7/6/11
    المشاركات:
    1,409
    الإعجابات المتلقاة:
    404
    نقاط الجوائز:
    93
    الجنس:
    أنثى
    مكان الإقامة:
    فلسطين
    وعليكم السلام ورحمة الله

    :)

    مجهود رائع ما شاء الله ^^

    متااابعة إن شاء الله :)
  5. •● تراتيـلُ صُبْــح ✿

    •● تراتيـلُ صُبْــح ✿ أمل الصباح إداري

    إنضم إلينا في:
    ‏8/5/11
    المشاركات:
    1,370
    الإعجابات المتلقاة:
    754
    نقاط الجوائز:
    73
    الجنس:
    أنثى
    ما شاء الله
    أطباق لذيذة
    متابعينك شيف بروءة
    سلمت يمناكِ.

  6. براءة فلسطين

    براءة فلسطين || رحماك ربي || فريق دروب الخير

    إنضم إلينا في:
    ‏26/8/12
    المشاركات:
    2,040
    الإعجابات المتلقاة:
    3,625
    نقاط الجوائز:
    207
    الجنس:
    أنثى
    الوظيفة:
    واعظة ..
    مكان الإقامة:
    نحو الجنة

    حياك الله أختي لعيونك رح أكتب مقاديرهم
    و طريقة عملهم إن شاء الله
    حضور جميل الله لا يحرمك الأجر :)

  7. براءة فلسطين

    براءة فلسطين || رحماك ربي || فريق دروب الخير

    إنضم إلينا في:
    ‏26/8/12
    المشاركات:
    2,040
    الإعجابات المتلقاة:
    3,625
    نقاط الجوائز:
    207
    الجنس:
    أنثى
    الوظيفة:
    واعظة ..
    مكان الإقامة:
    نحو الجنة

    تسلمي أختي ر بي يبارك فيكي
    رح تنوري الله يزيدك نور :)

  8. براءة فلسطين

    براءة فلسطين || رحماك ربي || فريق دروب الخير

    إنضم إلينا في:
    ‏26/8/12
    المشاركات:
    2,040
    الإعجابات المتلقاة:
    3,625
    نقاط الجوائز:
    207
    الجنس:
    أنثى
    الوظيفة:
    واعظة ..
    مكان الإقامة:
    نحو الجنة
    الله يسلمك و يديمك
    شكراً للطفك أختي
    حياك ربي ~

  9. طوق الياسمين

    طوق الياسمين درب جديد

    إنضم إلينا في:
    ‏10/3/13
    المشاركات:
    27
    الإعجابات المتلقاة:
    31
    نقاط الجوائز:
    13
    يعطيك العافية بروءة على المجهود والتعب . الله يجعله بميزان حسناتك يارب ,~
    وشكرررااااً على الوصفات ^ ^
  10. براءة فلسطين

    براءة فلسطين || رحماك ربي || فريق دروب الخير

    إنضم إلينا في:
    ‏26/8/12
    المشاركات:
    2,040
    الإعجابات المتلقاة:
    3,625
    نقاط الجوائز:
    207
    الجنس:
    أنثى
    الوظيفة:
    واعظة ..
    مكان الإقامة:
    نحو الجنة

    الله يعافكي أختي :)
    ولوو واجبي و أكتر
    في الخدمة دوماً حياك الله ^_^

مشاركة هذه الصفحة